Milanning "Inter" klubi yarim himoyachisi Marselo Brozovich Yevropaning boshqa bir klubining qiziqishlari doirasiga tushib qoldi. Todofichajes nashrining xabariga ko‘ra, 30 yoshli yarim himoyachini "Bavariya" o‘z safiga qo‘shib olmoqchi.

Nemis grandining xorvatiyalik futbolchi uchun bahsdagi raqiblari "Barselona" va Angliyaning "Nyukasl" klublari hisoblanadi. Brozovich 28 million yevroga baholangan.

Yarim himoyachi joriy mavsum A Seriyada 26 ta o‘yinda maydonga tushib, 2 ta gol urdi va 4 ta golli uzatmani amalga oshirdi. Marseloning "neradzurrilar" bilan shartnomasi 2026 yilning yoziga qadar mo‘ljallangan.