Миланнинг "Интер" клуби ярим ҳимоячиси Марсело Брозович Европанинг бошқа бир клубининг қизиқишлари доирасига тушиб қолди. Todofichajes нашрининг хабарига кўра, 30 ёшли ярим ҳимоячини "Бавария" ўз сафига қўшиб олмоқчи.

Немис грандининг хорватиялик футболчи учун баҳсдаги рақиблари "Барселона" ва Англиянинг "Ньюкасл" клублари ҳисобланади. Брозович 28 миллион еврога баҳоланган.

Ярим ҳимоячи жорий мавсум А Серияда 26 та ўйинда майдонга тушиб, 2 та гол урди ва 4 та голли узатмани амалга оширди. Марселонинг "нерадзуррилар" билан шартномаси 2026 йилнинг ёзига қадар мўлжалланган.