"Barselona" Usmon Dembeleni o‘z safida saqlab qolishga umid qilmoqda. Mundo Deportivo xabariga ko‘ra, kataloniyaliklar 26 yoshli futbolchiga 2026/2027 yilgi mavsum oxirigacha 4 yillik shartnoma taklif qilmoqda.
Dembele 2017 yilning avgustida "Barselona"ga o‘tgan edi. O‘tgan yozda fransiyalik futbolchi Kataloniya grandini tark etishi mumkin edi, ammo baribir yangi shartnoma bo‘yicha kelishib oldi. Usmon hatto bir qancha vaqtni erkin agent sifatida o‘tkazdi.
Usmon Dembele joriy mavsum “Barselona” safida 33 o‘yinda 8 ta gol urdi va 7 ta golli uzatmani amalga oshirdi.
Eslatib o‘tamiz, "Barselona" allaqachon Ispaniya chempioni unvonini qo‘lga kiritgan.
