"Барселона" Усмон Дембелени ўз сафида сақлаб қолишга умид қилмоқда. Mundo Deportivo хабарига кўра, каталонияликлар 26 ёшли футболчига 2026/2027 йилги мавсум охиригача 4 йиллик шартнома таклиф қилмоқда.
Дембеле 2017 йилнинг августида "Барселона"га ўтган эди. Ўтган ёзда франциялик футболчи Каталония грандини тарк этиши мумкин эди, аммо барибир янги шартнома бўйича келишиб олди. Усмон ҳатто бир қанча вақтни эркин агент сифатида ўтказди.
Усмон Дембеле жорий мавсум “Барселона” сафида 33 ўйинда 8 та гол урди ва 7 та голли узатмани амалга оширди.
Эслатиб ўтамиз, "Барселона" аллақачон Испания чемпиони унвонини қўлга киритган.