"Lasio" yarim himoyachisi Sergey Milinkovich-Savich yozgi transferlar vaqtida jamoani tark etishi mumkin, deya xabar beradi Sky Italia.
Manbaga ko‘ra, rimliklar 28 yoshli serb bilan taxminan 30-35 million yevro evaziga xayrlashishga tayyor. Uning jamoa bilan shartnomasi 2024 yilning yozida yakuniga yetadi.
Milinkovich-Savich joriy mavsumda “Lasio” safida barcha turnirlarda 45 ta o‘yinda maydonga tushib, 9 ta gol urdi va 8 ta golli uzatmani amalga oshirdi. Transfermarkt uning narxini 60 million yevroga baholamoqda.