"Лацио" ярим ҳимоячиси Сергей Милинкович-Савич ёзги трансферлар вақтида жамоани тарк этиши мумкин, дея хабар беради Sky Italia.
Манбага кўра, римликлар 28 ёшли серб билан тахминан 30-35 миллион евро эвазига хайрлашишга тайёр. Унинг жамоа билан шартномаси 2024 йилнинг ёзида якунига етади.
Милинкович-Савич жорий мавсумда “Лацио” сафида барча турнирларда 45 та ўйинда майдонга тушиб, 9 та гол урди ва 8 та голли узатмани амалга оширди. Transfermarkt унинг нархини 60 миллион еврога баҳоламоқда.