U20 Jahon chempionatining uchinchi o‘yinida nihoyat g‘alaba qozondik va pley-off bosqichiga 2-o‘rin bilan chiqdik. Nimchorak finalda O‘zbekistonga "C" guruhida 2-o‘rinni egallagan jamoa raqib bo‘ladi.
C guruhi
| № | Jamoa | O‘yin | G‘alaba | Durang | Mag‘-yat | T-N | Ochko | |
|---|---|---|---|---|---|---|---|---|
| 1 |  |
Kolumbiya | 2 | 2 | 0 | 0 | 4-2 | 6 |
| 2 |  |
Yaponiya | 2 | 1 | 0 | 1 | 2-2 | 3 |
| 3 |  |
Isroil | 2 | 0 | 1 | 1 | 2-3 | 1 |
| 4 |  |
Senegal | 2 | 0 | 1 | 1 | 1-2 | 1 |
Bu guruhda Kolumbiya 6 ochko bilan pley-off bosqichi yo‘llanmasini qo‘lga kiritib bo‘lgan. Bu jamoa bugun bo‘ladigan 3-tur bahsida Senegalga mag‘lub bo‘lmasa, guruh g‘olibligini qo‘lga kiritadi.
Shunda 2-o‘rin masalasi Yaponiya-Isroil o‘yinida hal bo‘ladi. Qit’adoshlarimiz hisobida 3, yevropaliklar hisobida esa 1 ochko mavjud. Bu bahsda yaponlar mag‘lub bo‘lmasa ham, 2-o‘rinni qo‘lga kiritishadi. Isroil g‘alaba qozonsa, nimchorak finalda bizga raqib bo‘ladi.
Lekin Kolumbiya Senegalga yutqazib qo‘ysa, unda guruhdagi vaziyat chigallashadi. G‘alaba tufayli Senegalning ochkolari 4 taga yetadi. Yaponiya-Isroil o‘yinida "kunchiqar yurt" o‘lkasi yirikroq hisobda g‘alaba qozonsa, guruh g‘olibiga aylanib, Kolumbiya 2-o‘ringa tushib qolishi ham mumkin.
Xullas, pley-off yo‘llanmasi uchun kurashda uch jamoa ichida eng yaxshi imkoniyat Yaponiyada. Ular Isroilga mag‘lub bo‘lmasa, eng kamida 3-o‘rin bilan nimchorak finalga chiqadi.
"C" guruhida 3-tur o‘yinlari bugun tunda — 28 mayga o‘tar kechasi Toshkent vaqti bilan soat 02:00da boshlanadi. Plef-offdagi raqibimizni mana shu o‘yinlar yakunlaganidan keyin bilib olamiz.
O‘zbekistonning nimchorak final bosqichida o‘yini esa 30 maydan 31 mayga o‘tar kechasi Toshkent vaqti bilan soat 02:00ga belgilangan.
