U20 Жаҳон чемпионатининг учинчи ўйинида ниҳоят ғалаба қозондик ва плей-офф босқичига 2-ўрин билан чиқдик. Нимчорак финалда Ўзбекистонга "C" гуруҳида 2-ўринни эгаллаган жамоа рақиб бўлади.
C гуруҳи
| № | Жамоа | Ўйин | Ғалаба | Дуранг | Мағ-ят | Т-Н | Очко | |
|---|---|---|---|---|---|---|---|---|
| 1 |  |
Колумбия | 2 | 2 | 0 | 0 | 4-2 | 6 |
| 2 |  |
Япония | 2 | 1 | 0 | 1 | 2-2 | 3 |
| 3 |  |
Исроил | 2 | 0 | 1 | 1 | 2-3 | 1 |
| 4 |  |
Сенегал | 2 | 0 | 1 | 1 | 1-2 | 1 |
Бу гуруҳда Колумбия 6 очко билан плей-офф босқичи йўлланмасини қўлга киритиб бўлган. Бу жамоа бугун бўладиган 3-тур баҳсида Сенегалга мағлуб бўлмаса, гуруҳ ғолиблигини қўлга киритади.
Шунда 2-ўрин масаласи Япония-Исроил ўйинида ҳал бўлади. Қитъадошларимиз ҳисобида 3, европаликлар ҳисобида эса 1 очко мавжуд. Бу баҳсда японлар мағлуб бўлмаса ҳам, 2-ўринни қўлга киритишади. Исроил ғалаба қозонса, нимчорак финалда бизга рақиб бўлади.
Лекин Колумбия Сенегалга ютқазиб қўйса, унда гуруҳдаги вазият чигаллашади. Ғалаба туфайли Сенегалнинг очколари 4 тага етади. Япония-Исроил ўйинида "кунчиқар юрт" ўлкаси йирикроқ ҳисобда ғалаба қозонса, гуруҳ ғолибига айланиб, Колумбия 2-ўринга тушиб қолиши ҳам мумкин.
Хуллас, плей-офф йўлланмаси учун курашда уч жамоа ичида энг яхши имконият Японияда. Улар Исроилга мағлуб бўлмаса, энг камида 3-ўрин билан нимчорак финалга чиқади.
"C" гуруҳида 3-тур ўйинлари бугун тунда — 28 майга ўтар кечаси Тошкент вақти билан соат 02:00да бошланади. Плеф-оффдаги рақибимизни мана шу ўйинлар якунлаганидан кейин билиб оламиз.
Ўзбекистоннинг нимчорак финал босқичида ўйини эса 30 майдан 31 майга ўтар кечаси Тошкент вақти билан соат 02:00га белгиланган.
