"Arsenal" yarim himoyachisi Martin Edegor jamoaning joriy mavsumdagi natijalari haqida fikr bildirdi.
"Arsenal" chempionat yakuni bilan qoniqish hosil qila olmaydi. Ammo vaqt o‘tishi bilan biz bu natija bilan faxrlanamiz, biroq hozir barchamizning hafsalamiz pir bo‘lgan va og‘riqni his qilyapmiz", - deya Edegorning so‘zlaridan iqtibos keltiradi London jamoasi matbuot xizmati.
24 yoshli norvegiyalik futbolchi joriy mavsumda barcha musobaqalarda 44 ta o‘yinda maydonga tushib, 15 ta gol urdi va 8 ta golli uzatmani amalga oshirdi.
"Arsenal" Premyer-liga turnir jadvalida ikkinchi o‘rinni egallab turibdi va mavsum yakunida kumush medallarga ega chiqadi.
