“Arsenal” yarim himoyachisi Bukayo Saka “Vulverxempton”ga qarshi Angliya Premyer-ligasining so‘nggi turidan o‘rin olgan uchrashuvni dastlabki daqiqalardan boshladi.

Squawka xabariga ko‘ra, Saka "Arsenal" tarixida Premyer-liganing bir mavsumidagi har bir o‘yinida maydonga tushgan birinchi futbolchi bo‘ldi.

Joriy mavsum ingliz futbolchisi 37 o‘yinida 13 ta gol urdi va 11 ta golli uzatmani sheriklariga taqdim etdi.

Aytish joizki, Premyer-liga 1992 yilda tashkil etilgan. Eslatib o‘tamiz, Bukayo Saka yaqinda "Arsenal" bilan yangi shartnoma imzolagan edi.