YECHLning o‘rniga YELda qatnashish haqida Yurgen Klopp shunday degan edi: "Endilikda, biz seshanba yoki chorshanba kunlari o‘rniga payshanba kunlari maydonga tushadigan bo‘ldik. Joriy mavsum biz uchun yaxshi o‘tmadi. Bu narsa, ayniqsa moliyaviy tomondan yaqqol seziladi".
Haqiqatdan ham "Liverpul"ning Yevropa ligasiga tushib ketishi, moliyaviy jihatdan salbiy oqibatlarga olib keladi. Quyida mana shu mavzuga to‘xtalib o‘tamiz.
"Liverpul" APLni 5 o‘rinda yakunlash orqali qancha ishladi?
Birinchi zarba klub uchun APLdan keladi. O‘tgan mavsumda Klopp jamoasi ikkinchi o‘rinni egallagan. Bu esa klubga 50.4 million funt foyda keltirgan edi. 2023 yilda uchta o‘rin paslash, bu boradagi daromadni 35.2 millionga tushirdi. Bu degani "Liverpul" 15 million zarar ko‘rdi. Ushbu miqdorga o‘tgan yozda Takumi Minamino sotilgandi. Shunga qaramay, yo‘qotishlarning eng yirigi UYEFA to‘lovlaridan keladi.
"Liverpul" YECHLning joriy mavsumidan qancha ishladi?
"Liverpul"ning musobaqani nimchorak finalda yakunlagani, 2020 yildan beri eng yomon ko‘rsatkich sifatida qayd etiladi. Garchand "Real"ga, ikki o‘yin natijasiga ko‘ra 2-6 hisobida imkoniyatni boy bergan bo‘lsada, mersisaydliklar yevrokubokdagi ishtiroki sabab jami 58.9 million funtga ega bo‘ldi. Bu miqdorning uchdan biri (23.7 million) klubning o‘n yillik natijalaridan kelib chiqib, to‘lab berildi. Ma’lumotlarga ko‘ra, Yevropa ligasining 2023-24 yilgi g‘olibiga jami 20 million funt sovrin puli beriladi. Bu shuni anglatadiki, "Liverpul" bu musobaqada g‘olib bo‘lsa ham, joriy mavsumdagi daromadlarini qila olmaydi.
"Liverpul" YECHLga chiqa olmagani sababli futbolchilaridan ayrilishi mumkinmi?
Yurgen Klopp o‘z shogirdlariga jiddiy signal yo‘llagan edi. U YECHLsiz mavsum sababli hech kim jamoadan ketmasligini aytgan: "Agarda kimdir mana shu sababli ketmoqchi bo‘lsa, o‘zim uni qaysi klubni xohlasa, shunga o‘tishiga yordam beraman. Bizda majburlash yo‘q. Bu xato bo‘lgan bo‘lardi. Ammo hozirga qadar hech kim mendan ketish haqida so‘ragani yo‘q", – deydi nemis mutaxassisi.
Shunga qaramay, Klopp tomonidan "klub afsonalari" deya ta’riflangan Firmino, Milner, Keyta va Oksleyd-CHeymberlenlarning jamoadan ketishi aniq bo‘lgan.
Muhammad Saloh esa 3 yillik yangi bitimdan keyin qolishi kutilmoqda. 30 yoshli hujumchi yaqindagina ijtimoiy tarmoqlardagi sahifasiga YECHLda o‘ynamasligidan "qalbi vayron" bo‘layotganini yozdi.
YECHL va YELning sovrin jamg‘armasi
Chempionlar ligasi guruh bahslari uchun: 13.5 million funt
Yevropa ligasi guruh bahslari uchun: 3.1 million funt
YECHL guruhdagi har bir g‘alaba uchun: 2.4 million funt
YEL guruh bahslaridagi har bir g‘alaba uchun: 313 ming funt
YECHL nimchorak finali: 8.3 million funt
YEL nimchorak finali: 1.1 million funt
YECHL chorak finali: 9.2 million funt
YEL chorak finali: 1.6 million funt
YECHL yarim-finali: 10.9 million funt
YEL yarim-finali: 2.5 million funt
YECHL finali: 13.5 million funt
YEL finali: 4.1 million funt
YECHL g‘olibi: 17.4 million funt
YEL g‘olibi: 7.6 million funt.
ISMATOV J.
