Dushanba kuni "Chelsi" Maurisio Pochettinoni jamoaning yangi bosh murabbiyi etib tayinlaganini e’lon qildi. Argentinalik mutaxassis yana bir mavsumga uzaytirish imkoniyati bilan ikki yillik shartnoma imzoladi.

Marca xabariga ko‘ra, Pochettino allaqachon tarkib borasida qaror qabul qila boshlagan. Murabbiy hujumchi Joau Feliksning ijara muddati tugagach, "Chelsi"da qolishini istamayapti. Shunday qilib, portugaliyalik "Atletiko"ga qaytishi kerak.

Joau Feliks “Chelsi” safida 20 ta o‘yinda maydonga tushib, 4 ta gol urgan. Jamoa Premyer-ligada 12-o‘rinni egalladi va yevrokuboklarning navbatdagi mavsumini o‘tkazib yuboradi.