Душанба куни "Челси" Маурисио Почеттинони жамоанинг янги бош мураббийи этиб тайинлаганини эълон қилди. Аргентиналик мутахассис яна бир мавсумга узайтириш имконияти билан икки йиллик шартнома имзолади.
Marca хабарига кўра, Почеттино аллақачон таркиб борасида қарор қабул қила бошлаган. Мураббий ҳужумчи Жоау Феликснинг ижара муддати тугагач, "Челси"да қолишини истамаяпти. Шундай қилиб, португалиялик "Атлетико"га қайтиши керак.
Жоау Феликс “Челси” сафида 20 та ўйинда майдонга тушиб, 4 та гол урган. Жамоа Премьер-лигада 12-ўринни эгаллади ва еврокубокларнинг навбатдаги мавсумини ўтказиб юборади.
