"Chelsi" vingeri Kristian Pulishich faoliyatini "Yuventus"da davom ettirishi mumkin.
"Chelsi" bu yozda moliyaviy feyr-pley qoidalariga rioya qilish uchun ko‘p sonli futbolchilarni qo‘yib yuborishni rejalashtirmoqda. Ulardan biri 24 yoshli amerikalik xavbek bo‘ladi. Manbalarga ko‘ra, "aristokratlar" Pulishichni "byankonerilar"ga 20 million yevro evaziga qo‘yib yuboradi.
2019 yilda "Chelsi" Pulishich uchun Dortmundning "Borussiya"siga 60 million yevrodan ko‘proq pul to‘lagan. Joriy mavsumda u barcha turnirlarda 30 ta o‘yinda maydonga tushib, 1 ta gol va 2 ta golli uzatmaga mualliflik qilgan.
