"Челси" вингери Кристиан Пулишич фаолиятини "Ювентус"да давом эттириши мумкин.
"Челси" бу ёзда молиявий фейр-плей қоидаларига риоя қилиш учун кўп сонли футболчиларни қўйиб юборишни режалаштирмоқда. Улардан бири 24 ёшли америкалик хавбек бўлади. Манбаларга кўра, "аристократлар" Пулишични "бьянконерилар"га 20 миллион евро эвазига қўйиб юборади.
2019 йилда "Челси" Пулишич учун Дортмунднинг "Боруссия"сига 60 миллион евродан кўпроқ пул тўлаган. Жорий мавсумда у барча турнирларда 30 та ўйинда майдонга тушиб, 1 та гол ва 2 та голли узатмага муаллифлик қилган.
