"Barselona" bosh murabbiyi Xavi hujumchi Usmon Dembelening imkoniyatlariga yuqori baho berdi.

«Odamlar Usmonni yaxshi bilmaydi. U ajoyib yigit. Uning qanchalar aqlli ekanini, maydonni qay tarza ko‘ra olishini insonlar tasavvur qila olishmaydi.

Dembele odamlar o‘ylaganidan ancha aqlli o‘yinchi. Undagi xislatlar menga rostakamiga yoqadi. U o‘yinga jiddiy ta’sir ko‘rsata oladi.

Ha, u ba’zida eng zo‘r o‘yinchi bo‘ladi, ba’zida eng yomon. Qanot hujumlari o‘zi shunaqa: yo o‘n ball oladi, yoki nol ball.

Biz joriy mavsumda Dembelening so‘nggi 6 mavsumdagi eng yaxshi versiyasini ko‘rdik. U ko‘proq gol urib, ko‘proq samarali uzatmalar bera boshlaganida nimalar bo‘lishini tasavvur qila olasizmi?», – dedi «Barselona» ustozi.