"Барселона" бош мураббийи Хави ҳужумчи Усмон Дембеленинг имкониятларига юқори баҳо берди.

«Одамлар Усмонни яхши билмайди. У ажойиб йигит. Унинг қанчалар ақлли эканини, майдонни қай тарза кўра олишини инсонлар тасаввур қила олишмайди.

Дембеле одамлар ўйлаганидан анча ақлли ўйинчи. Ундаги хислатлар менга ростакамига ёқади. У ўйинга жиддий таъсир кўрсата олади.

Ҳа, у баъзида энг зўр ўйинчи бўлади, баъзида энг ёмон. Қанот ҳужумлари ўзи шунақа: ё ўн балл олади, ёки ноль балл.

Биз жорий мавсумда Дембеленинг сўнгги 6 мавсумдаги энг яхши версиясини кўрдик. У кўпроқ гол уриб, кўпроқ самарали узатмалар бера бошлаганида нималар бўлишини тасаввур қила оласизми?», – деди «Барселона» устози.