"Chelsi" yarim himoyachisi Meyson Maunt yozda Angliyaning boshqa klubi "Manchester Yunayted"ga o‘tishi mumkin.
“Qizil iblislar” rahbariyati futbolchini sotib olish uchun 60 million yevrodan ko‘p bo‘lmagan mablag‘ sarflashga tayyor.
CBS jurnalistlarining so‘zlariga ko‘ra, “aristokratlar” bu summadan qoniqmayapti. London klubi Mauntni sotishdan 75-80 million daromad olmoqchi. Tomonlar o‘rtasida muzokaralar davom etmoqda.
Avvalroq, «Manchester Yunayted» Meyson bilan shaxsiy shartnoma shartlari bo‘yicha kelishib olgani ma’lum bo‘lgandi.
Yarim himoyachi o‘tgan mavsumda 24 ta o‘yinda maydonga tushib, 3 ta gol urdi va 2 ta golli uzatmani amalga oshirdi. Tomonlar o‘rtasidagi mehnat shartnomasi muddati 2024 yilda tugaydi.
