"Челси" ярим ҳимоячиси Мэйсон Маунт ёзда Англиянинг бошқа клуби "Манчестер Юнайтед"га ўтиши мумкин.
“Қизил иблислар” раҳбарияти футболчини сотиб олиш учун 60 миллион евродан кўп бўлмаган маблағ сарфлашга тайёр.
CBS журналистларининг сўзларига кўра, “аристократлар” бу суммадан қониқмаяпти. Лондон клуби Маунтни сотишдан 75-80 миллион даромад олмоқчи. Томонлар ўртасида музокаралар давом этмоқда.
Аввалроқ, «Манчестер Юнайтед» Мэйсон билан шахсий шартнома шартлари бўйича келишиб олгани маълум бўлганди.
Ярим ҳимоячи ўтган мавсумда 24 та ўйинда майдонга тушиб, 3 та гол урди ва 2 та голли узатмани амалга оширди. Томонлар ўртасидаги меҳнат шартномаси муддати 2024 йилда тугайди.
