"Milan"ning rasmiy sayti jamoaning kelasi mavsum uchun yangi uy libosini taqdim etdi.
Kiyim an’anaviy qizil va qora ranglarda yaratilgan. “Rossonerilar”ning texnik hamkori Germaniyaning Puma kompaniyasi hisoblanadi.
Klub matbuot xizmati xabariga ko‘ra, milanliklar yangi libosda ilk bor 4 iyun kuni "Verona"ga qarshi maydonga tushadi.
Joriy mavsumda “Milan” Chempionlar ligasining yarim finaliga qadar yetib bordi va u yerda “Inter”ga umumiy hisobda mag‘lub bo‘ldi.
Italiya chempionatining 37-turidan so‘ng “rossonerilar” 67 ochko jamg‘arib, turnir jadvalida to‘rtinchi o‘rinni egallab turibdi.
