"Милан"нинг расмий сайти жамоанинг келаси мавсум учун янги уй либосини тақдим этди.
Кийим анъанавий қизил ва қора рангларда яратилган. “Россонерилар”нинг техник ҳамкори Германиянинг Puma компанияси ҳисобланади.
Клуб матбуот хизмати хабарига кўра, миланликлар янги либосда илк бор 4 июнь куни "Верона"га қарши майдонга тушади.
Жорий мавсумда “Милан” Чемпионлар лигасининг ярим финалига қадар етиб борди ва у ерда “Интер”га умумий ҳисобда мағлуб бўлди.
Италия чемпионатининг 37-туридан сўнг “россонерилар” 67 очко жамғариб, турнир жадвалида тўртинчи ўринни эгаллаб турибди.
