Myunxenning “Bavariya” klubi yarim himoyachi Deklan Rays uchun Londonning “Arsenal” klubini ortda qoldirishi mumkin. Ijtimoiy tarmoqlarda insayder Xose Feliks Diazning yozishicha, nemis giganti kelishuvni yakunlash arafasida.
OAV avvalroq “kanonirlar” 24 yoshli futbolchi uchun favorit ekani haqida xabar bergan edi, biroq “Bavariya” Deklanni har tomonlama ushlab qolishga intilmoqda. Transfer summasi 100 million yevro atrofida bo‘lishi mumkin.
Rays o‘tgan mavsumda “Vest Xem” safida 49 ta o‘yinda maydonga tushib, 5 ta gol urdi va 4 ta golli uzatmani amalga oshirdi. Yarim himoyachining "bolg‘achilar" bilan shartnomasi 2024 yilning o‘rtalariga qadar tuzilgan.
