"Napoli" prezidenti Aurelio de Laurentis Luchano Spaletti ketganidan keyin yangi bosh murabbiy izlash haqida gapirdi.
“Buning uchun vaqt, sovuqqonlik va sabr kerak. Endi chempionlik bayramidan zavq olmoqchimiz. Oldinda dam olish kunlari va keyin bu masalani hal qilish uchun butun bir iyun bor.
Biz buni bir necha marta hal qildik. “Napoli” Yevropada bu ishni muvaffaqiyatli bajara oladigan yagona klub”, - dedi prezident.
Eslatib o‘tamiz, Spaletti qo‘l ostida Neapol klubi Italiya chempioniga aylangandi. Bu 33 yil ichida jamoa uchun birinchi skudetto bo‘ldi.
