"Manchester Yunayted" "Atalanta" hujumchisi Rasmus Xyoylundga qiziqish bildirmoqda. TalkSport xabariga ko‘ra, "qizil iblislar" hujumchiga jiddiy qiziqish bildirmoqda.
Manbada aytilishicha, “Atalanta” Xyoylundni 45 million yevro evaziga qo‘yib yuborishga rozi bo‘ladi. Futbolchi uchun boshqa klublar, jumladan, Angliya Premyer-ligasi vakillari ham ariza berishmoqda. Biroq hozircha eng katta qiziqish "Manchester Yunayted"dan.
Italiya A Seriyasidagi debyut mavsumida Xyoylund 9 ta gol va 2 ta golli uzatmani amalga oshirdi. 20 yoshli forvard avvalroq Avstriyada “Shturm” safida to‘p tepgan.