Seshanba kuni "Tottenxem" Ange Postekoglu bosh murabbiy etib tayinlanganini e’lon qildi. Endi London klubi avstraliyalik mutaxassisni yozgi transfer bozorida qo‘llab-quvvatlamoqchi. "Shporlar" "Manchester Yunayted" himoyachisi Xarri Maguayrni sotib olmoqchi, deb xabar beradi Daily Mail.

Maydondagi xatolari tufayli Maguayr avvalroq "MYU" tarkibidagi mustahkam o‘rnini yo‘qotgan edi. Futbolchi muntazam ravishda jiddiy tanqidlarga uchradi. 30 yoshli futbolchi uchun klubni almashtirish yaxshi variant bo‘lishi mumkin.

Transfermarkt portali ekspertlari Maguayrni 25 million yevroga baholamoqda.