“Manchester Siti” vingeri Riyod Maxrezga Saudiya Arabistonining “Al-Ahli” klubi qiziqish bildirmoqda.
CBC Sport yu xabariga ko‘ra, klub prezidenti Valid Muat 32 yoshli futbolchi bilan muzokara o‘tkazish uchun 7 iyun kuni Londonga borgan. "Al-Ahli" o‘tgan mavsumni Saudiya Arabistonining ikkinchi divizionida o‘tkazdi. Mavsum yakuniga ko‘ra jamoa turnir jadvalida 1-o‘rinni egalladi va oliy divizionda o‘ynash huquqini qo‘lga kiritdi.
32 yoshli Maxrez 2022/23 yilgi mavsumda "shaharliklar" safida barcha musobaqalarda 47 ta o‘yinda maydonga tushib, 15 ta gol urdi va 13 ta golli uzatmani amalga oshirdi. Shartnoma 2025 yilning yoziga qadar mo‘ljallangan.
