"Liverpul" rahbariyati yozgi transfer oynasi boshida maydon markazini kuchaytirishga urinishda davom etmoqda.

Jurnalist Jak Talbotning yozishicha, “qizillar” rahbariyati “Nissa” yarim himoyachisi Kefren Tyuram bilan shaxsiy shartnoma shartlarni og‘zaki kelishib olgan. Oldinroq tomonlar fransuz klubi yarim himoyachisi borasida muzokaralarni boshlagani haqida xabar berilgandi.

Tyuram o‘tgan mavsumda “burgutlar” safida barcha musobaqalarda 48 ta o‘yinda maydonga tushib, 2 ta gol urdi va 8 ta golli uzatmani amalga oshirdi.