Yoshlar o‘rtasidagi Jahon chempionatining yarim finalidan o‘rin olgan o‘yinlar 8 iyundan 9 iyunga o‘tar kechasi bo‘lib o‘tdi.

Urugvay yoshlari final yo‘llanmasi uchun kechgan bahsda Isroilni minimal hisobda mag‘lub etdi. 61-daqiqada Anderson Duarte tomonidan urilgan gol o‘yin taqdirini hal qildi.

Yana bir yarim final bahsi Italiya va Janubiy Koreya jamoalari o‘rtasida bo‘lib o‘tdi. uchrashuvning 15-daqiqasida Chezare Kasadei italyanlarni oldinga olib chiqqan bo‘lsa, oradan ko‘p o‘tmay osiyoliklar Li Sun Vonning penaltidan urgan goli orqali muvozanatni tikladi.

86-daqiqada Simone Pafundi Italiyaga g‘alaba keltirgan golga muallif bo‘ldi.

Finalda Urugvay va Italiya yoshlari to‘qnash keladi. Isroil va Janubiy Koreya esa uchinchi o‘rin bahs olib boradi. O‘yinlar 11 iyundan 12 iyunga o‘tar kechasi o‘tkaziladi.

U-20 JCH, Yarim final
Urugvay – Isroil 1:0
Gol: 1:0 – 61 Duarte.

Italiya – Janubiy Koreya 2:1
Gollar: 1:0 – 15 Kasadei, 1:1 – 23, penalti Li Sun Von, 2:1 – 86 Pafundi.