Angliya Premyer-ligasining ikki klubi yaqinda “Lester” bilan chempionshipga tushib ketgan yarim himoyachi Jeyms Meddison uchun kurashishga tayyor. Jurnalist Fabrisio Romanoning so‘zlariga ko‘ra, “Nyukasl” va “Tottenxem” ingliz uchun kurashadi.
Oldinroq "Lester" o‘z yarim himoyachisi uchun 55 million yevro talab qilishi aytilgandi. Manbaning xabar berishicha, “Tottenxem”ning yangi bosh murabbiyi Ange Postekoglu “shporlar” rahbariyatidan o‘zi uchun Meddisonni sotib olishni so‘ragan. Shu bilan birga, "Nyukasl" hamon futbolchiga da’vo qilmoqda.
Meddison Angliya Premyer-ligasining so‘nggi mavsumida 10 ta gol urdi va 9 ta golli uzatmani amalga oshirdi.
