"Manchester Siti"ning sobiq hujumchisi Serxio Aguero ertaga bo‘lib o‘tadigan Chempionlar ligasi finalidan umidlari bilan o‘rtoqlashdi, unda "shaharliklar" Istanbulda "Inter" bilan o‘ynaydi.
“Chempionlar ligasi finali oldidan biroz asabiylashyapman, ammo “Manchester Siti”ga ishonaman. Jamoa ajoyib o‘ynamoqda, endi so‘nggi qadamni tashlash kerak. Yaxshi o‘yin rejasi va har tomonlama ajoyib o‘yin kutaman. Bu futbol, hamma narsa bo‘lishi mumkin. O‘ylaymanki, jamoa kerakli natijaga erishish uchun to‘g‘ri yo‘lda", - deya Agueroning so‘zlarini keltiradi "Manchester Siti" rasmiy sayti.
Eslatib o‘tamiz, "shaharliklar" o‘z tarixlarida hech qachon Chempionlar ligasida g‘alaba qozonishmagan.
