"Манчестер Сити"нинг собиқ ҳужумчиси Серхио Агуэро эртага бўлиб ўтадиган Чемпионлар лигаси финалидан умидлари билан ўртоқлашди, унда "шаҳарликлар" Истанбулда "Интер" билан ўйнайди.
“Чемпионлар лигаси финали олдидан бироз асабийлашяпман, аммо “Манчестер Сити”га ишонаман. Жамоа ажойиб ўйнамоқда, энди сўнгги қадамни ташлаш керак. Яхши ўйин режаси ва ҳар томонлама ажойиб ўйин кутаман. Бу футбол, ҳамма нарса бўлиши мумкин. Ўйлайманки, жамоа керакли натижага эришиш учун тўғри йўлда", - дея Агуэронинг сўзларини келтиради "Манчестер Сити" расмий сайти.
Эслатиб ўтамиз, "шаҳарликлар" ўз тарихларида ҳеч қачон Чемпионлар лигасида ғалаба қозонишмаган.
