"Real Madrid" Karim Benzema ketganidan so‘ng hujum markaziga sifatli o‘yinchi qidirmoqda. Mish-mishlarga ko‘ra Madrid klubi Xarri Keynga faol qiziqish bildirishdi, ammo so‘nggi paytlarda "qaymoqranglilar"ning inglizga bo‘lgan e’tibori pasaydi, deb yozadi Todofichajes.
Manbaga ko‘ra, Madridning "Real" klubi Keynning yuqori narxidan cho‘chimoqda - tez orada 30 yoshga to‘ladigan hujumchi uchun bu yozda kamida 100 million yevro to‘lash kerak.
Shu fonda "Inter"dan Lautaro Martines "Real"ga afzal nomzodga aylandi. Qayd etilishicha, jahon chempionining narxi 80 million yevrodan oshmaydi. Shu bilan birga, argentinalik Keyndan to‘rt yosh kichik.