"Реал Мадрид" Карим Бензема кетганидан сўнг ҳужум марказига сифатли ўйинчи қидирмоқда. Миш-мишларга кўра Мадрид клуби Харри Кейнга фаол қизиқиш билдиришди, аммо сўнгги пайтларда "қаймоқранглилар"нинг инглизга бўлган эътибори пасайди, деб ёзади Todofichajes.
Манбага кўра, Мадриднинг "Реал" клуби Кейннинг юқори нархидан чўчимоқда - тез орада 30 ёшга тўладиган ҳужумчи учун бу ёзда камида 100 миллион евро тўлаш керак.
Шу фонда "Интер"дан Лаутаро Мартинес "Реал"га афзал номзодга айланди. Қайд этилишича, жаҳон чемпионининг нархи 80 миллион евродан ошмайди. Шу билан бирга, аргентиналик Кейндан тўрт ёш кичик.