Madridning “Real” klubi yarim himoyachisi Luka Modrich kutilmaganda jamoani tark etishi mumkin.
37 yoshli futbolchi kelasi mavsumda “qaymoqranglilar” safida o‘ynashda davom etishiga to‘liq ishongan va shartnomani uzaytirishga sanoqli qadamlar qolgan edi, biroq Saudiya Arabistonidan kelgan yangi taklif vaziyatni butunlay o‘zgartirib yubordi. Jurnalist Migel Anxel Diasning fikricha, endi xorvatiyalikning kelajagi katta shubha ostida – futbolchi “Real” bilan xayrlashishga yaqinlashmoqda.
Luka Modrich 2012 yildan beri "Real" futbolchisi hisoblanadi. U madridliklar safida 488 uchrashuvda 37 ta gol urgan va 77 ta golga assistentlik qilgan.