Мадриднинг “Реал” клуби ярим ҳимоячиси Лука Модрич кутилмаганда жамоани тарк этиши мумкин.
37 ёшли футболчи келаси мавсумда “қаймоқранглилар” сафида ўйнашда давом этишига тўлиқ ишонган ва шартномани узайтиришга саноқли қадамлар қолган эди, бироқ Саудия Арабистонидан келган янги таклиф вазиятни бутунлай ўзгартириб юборди. Журналист Мигель Анхель Диаснинг фикрича, энди хорватияликнинг келажаги катта шубҳа остида – футболчи “Реал” билан хайрлашишга яқинлашмоқда.
Лука Модрич 2012 йилдан бери "Реал" футболчиси ҳисобланади. У мадридликлар сафида 488 учрашувда 37 та гол урган ва 77 та голга ассистентлик қилган.
