“Manchester Siti” yarim himoyachisi Ilkay Gyundogan Saudiya Arabistonining “Al-Ittihod” klubidan taklif oldi, deb xabar beradi sport.es.
Manbaga ko‘ra, 32 yoshli yarim himoyachi allaqachon "Barselona"ga o‘tishga og‘zaki rozi bo‘lgan, ammo "Al-Ittihod" taklifini ko‘rib chiqmoqda.
“Al-Ittihod” klubi avvalroq “Real” hujumchisi Karim Benzema bilan shartnoma imzolagandi.
Gyundogan o‘tgan mavsumda "Manchester Siti" safida barcha turnirlarda 51ta o‘yinda maydonga tushib, 11ta gol urgan va 7ta golga assistentlik qilgan. Uning "shaharliklar" bilan shartnomasi mavsum oxirida yakuniga yetadi.