Maurisio Pochettino "Chelsi"ga bosh murabbiy etib tayinlangach, u tarkibni qayta qurish ustida ishlamoqda. Todofichajes xabariga ko‘ra, "Inter" hujumchisi Lautaro Martines "aristokratlar" tomonidan nishonga olingan.
Manbaning xabariga ko‘ra, "Chelsi" allaqachon Martines uchun 60 million yevrolik taklif yuborgan. "Inter" ko‘proq - kamida 80 million yevro so‘ramoqda. Muzokaralar davom etadi.
O‘tgan yil oxirida Lautaro Martines Argentina terma jamoasi tarkibida jahon chempioni bo‘ldi. Yozda hujumchi o‘zining 26 yoshini nishonlaydi. 2022/2023 yilgi mavsumda Martines 57 uchrashuvda 28 ta gol urdi va 11 ta golli uzatmani amalga oshirdi.