Transfermarkt Saudiya Arabistoni Pro-ligasi futbolchilarining bozor qiymatini yangiladi.

“An-Nasr” klubining portugaliyalik hujumchisi Krishtianu Ronaldu besh million yevroga arzonladi, hozirda u 15 million yevroga baholanmoqda. Ammo shuni ta’kidlash joizki, u jamoadoshi Taliska bilan birga mahalliy chempionatning eng qimmat futbolchisi bo‘lib qolmoqda.

Portugaliyalikning "An-Nasr" bilan shartnomasi kelasi mavsum oxirigacha mo‘ljallangan.

2022/23 yilgi mavsumda Krishtianu Ronaldu barcha musobaqalarda 19 ta o‘yinda qatnashib, 14 ta gol urdi va jamoadoshlariga 2 ta golli uzatmani amalga oshirdi.