Myunxenning "Bavariya" klubi ko‘plab Yevropa grandlarining e’tiboriga tushgan markaziy himoyachi Yoshko Gvardiol uchun "Leypsig"ga murojaat qildi. Jurnalist Florian Plettenbergning so‘zlariga ko‘ra, “qizil buqalar” myunxenliklarga xorvatiyalik futbolchi shu yozda sotilmasligini aniq aytishgan.

Biroq, bir yildan so‘ng Gvardiolning shartnomasiga ko‘ra, 110 million yevroni tashkil etadigan tovon puli faollashadi. "Bavariya" futbolchini o‘z safiga qo‘shib olmoqchi, ammo ayni damda "Manchester Siti" bu transfer uchun favorit hisoblanadi.

Eslatib o‘tamiz, 21 yoshli Yoshko Bundesligada bor-yo‘g‘i ikki mavsum o‘tkazgan, bungacha xorvatiyalik Zagrebning "Dinamo" jamoasida to‘p tepgan.