"Bavariya" "Vest Xem" "Arsenal"ning yarim himoyachi Deklan Rays bo‘yicha taklifini qabul qilmoqchi ekanligidan xabardor. Jurnalist Florian Plettenbergning so‘zlariga ko‘ra, angliyalik futbolchining Tomas Tuxel jamoasiga transferi bo‘yicha kelishuv hozircha juda dargumon.
Manbaning ta’kidlashicha, "Bavariya" rahbariyati bugun Rays variantini qayta ko‘rib chiqadi, biroq ko‘plab klub boshliqlari shartnoma muddati tugashiga bir yil qolgan futbolchini 100 million yevroga sotib olishga shubha bilan qarashadi.
Eslatib o‘tamiz, "Arsenal" Rays uchun 100 million yevro + bonuslar taklifini tayyorlamoqda. "Vest Xem" bunday shartlarga rozi bo‘lishi mumkin.
