"Fiorentina" yarim himoyachisi Sofyan Amrabat kelasi mavsumda "Barselona"da o‘ynamaydi. Jurnalist Rojer Torelloning ma’lumotlariga ko‘ra, marokashlik futbolchi "ko‘k-anorranglilar" safida o‘ynashdan voz kechgan.
Avvalroq Amrabat Barselonaga ko‘chib o‘tishni orzu qilayotgani xabar qilingandi, biroq yaqinda vaziyat o‘zgargan. Sofyan uning transferini amalga oshirish uchun kataloniyaliklar harakat qilishini kutishdan charchagan. Yarim himoyachi klub hatto uning transferiga qiziqish bildirayotganiga shubha qila boshladi. Yakunda Amrabat “Barselona” rahbariyatining qat’iyatsizligidan to‘ygan, shu bois “Kamp Nou”ga o‘tish variantidan voz kechishga qaror qilgan.
Amrabat "Barselona"ning himoya yarim himoyasida Serxio Buskets o‘rniga nomzodlardan biri edi.
