"Фиорентина" ярим ҳимоячиси Софьян Амрабат келаси мавсумда "Барселона"да ўйнамайди. Журналист Рожер Тореллонинг маълумотларига кўра, марокашлик футболчи "кўк-анорранглилар" сафида ўйнашдан воз кечган.
Аввалроқ Амрабат Барселонага кўчиб ўтишни орзу қилаётгани хабар қилинганди, бироқ яқинда вазият ўзгарган. Софьян унинг трансферини амалга ошириш учун каталонияликлар ҳаракат қилишини кутишдан чарчаган. Ярим ҳимоячи клуб ҳатто унинг трансферига қизиқиш билдираётганига шубҳа қила бошлади. Якунда Амрабат “Барселона” раҳбариятининг қатъиятсизлигидан тўйган, шу боис “Камп Ноу”га ўтиш вариантидан воз кечишга қарор қилган.
Амрабат "Барселона"нинг ҳимоя ярим ҳимоясида Серхио Бускетс ўрнига номзодлардан бири эди.
