Londonning "Tottenxem"i va Turinning "Yuventus" klublari so‘nggi bir yarim yil davomida "shporlar"da ijara asosida to‘p tepgan hujumchi Deyan Kulushevskining narxi borasida kelisha olmayapti. Oldinroq ingliz jamoasi "keksa senyora"ga futbolchi uchun avval kelishilgan 35 million yevroga sotib olish niyatida emasligini aytgandi.
Biroq, jurnalist Nikolo Skiraning xabar berishicha, "Tottenxem" hali ham Kulushevskini faqat o‘z shartlari bilan olib qolishga tayyor. "Shporlar" futbolchi uchun maksimal 20 million yevro to‘lashga tayyor, "Yuventus" esa kamida 30 millionni talab qilmoqda. Klublar o‘rtasidagi muzokaralar davom etmoqda. "Byankonerilar"ning sport direktori Jovanni Manna Londonda bo‘lib, u yerda "Tottenxem" vakillari bilan shartnomani shaxsan muhokama qilmoqda.
