Sankt-Peterburgning "Zenit" klubi yarim himoyachisi Vilmar Barrios Italiyaga ko‘chib o‘tishi mumkin.

Insayder Janluka di Marsioning ijtimoiy tarmoqlar orqali xabar berishicha, kolumbiyalik futbolchining xizmatlariga “Jenoa” klubi qiziqish bildirmoqda. Italiyaliklar yozda yarim himoyachini qo‘lga kiritishga harakat qilishadi.

Barrios 2019 yildan beri "ko‘k-oqlar" safida o‘ynab kelmoqda. Yarim himoyachi peterburgliklar bilan birgalikda besh marta RPL chempioni bo‘ldi, ikki marta superkubok va bir marta mamlakat kubogini qo‘lga kiritdi.

Janubiy amerikalik futbolchi o‘tgan mavsumda APLda 28 ta o‘yinda maydonga tushib, bitta gol va bitta golli uzatmaga mualliflik qilgan.