«Manchester Yunayted» «Chelsi» yarim himoyachisi Meyson Mauntning transferi borasida kelishuvga erisha olmadi, deb xabar beradi The Telegraph.
Manbaga ma’lum bo‘lishicha, «qizil iblislar» 24 yoshli futbolchi uchun 45 million yevro taklif qilgan, biroq bu mablag‘ «aristokratlar» rahbariyatiga mos kelmagan.
Shu bilan birga, «mankunianliklar» muzokaralarni yakunlamoqchi emas va murosa topishga umid qilmoqda.
Maunt Angliya Premyer-ligasining so‘nggi mavsumida 24 ta o‘yinda qatnashib, uchta gol va ikkita golli uzatmani amalga oshirdi.
Futbolchining «aristokratlar» bilan shartnomasi kelasi yilning o‘rtalarigacha hisoblangan.
