OFK futbol klublarini lisenziyalash natijalarini e’lon qildi hamda 2023/24-mavsum musobaqalarida ishtirok etadigan jamoalar nomiga oydinlik kiritdi.
Liga lisenziyalash uchun 25 ta klubni jalb qildi. Mazkur ko‘rsatkich borasida O‘zbekiston Osiyoda birinchi bo‘ldi. Mos ravishda Qatarning 17 ta va Saudiya Arabistonining 16 ta klubi lisenziyalashga jalb etilgandi.
"Lisenziya uchun da’vogarlardan O‘zbekistonning 17 ta klubi OFK lisenziyasini qo‘lga kiritishga muvaffaq bo‘ldi. Bu bilan biz Osiyoda eng yaxshi natijani qayd etdik. Bir yil avval 12 ta klubimiz bunga muvaffaq bo‘lgandi. Mos ravishda Qatarning 15 ta, Amirliklarning 13 ta klubi OFK lisenziyasiga ega chiqdi" - deyiladi O‘zPFL bayonotida.
OFK lisenziyasiga ega chiqqan O‘zbekiston klublari: “Paxtakor”, “Navbahor lochinlari”, “Nasaf”, OKMK, “Qizilqum”, “So‘g‘diyona”, “Bunyodkor”, “Neftchi”, “Metallurg”, “Lokomotiv”, “Dinamo”, “Andijon”, “Turon”, “Buxoro”, “Mash’al”, “Sho‘rtan”, “Olimpik”.
