Kilian Mbappening onasi Fayza Lamari o‘z agentligini ochdi, deb xabar bermoqda L’Equipe nashri.
Loyihada bir yoki bir nechta lisenziyaga ega agentlar ishlaydi. Yangi tashkil etilgan kompaniyaning dastlabki uchta mijozi Fayzaning o‘g‘illari - Kilian va Itan (u "PSJ" yoshlar jamoasida o‘ynaydi), shuningdek, "Lion"ning hujumkor yarim himoyachisi Rayan Sherkidir.
Manbaga ko‘ra, so‘nggi bir necha oy ichida Fayza Lamari Sherki oilasi bilan muzokaralar olib borgan. Bir necha hafta oldin tomonlar Mbappening onasi "PSJ" qishda shartnoma imzolamoqchi bo‘lgan 19 yoshli "Lion" futbolchisi manfaatlarini himoya qilishiga kelishib olgandi.
Ayni paytda, "PSJ" Kilian Mbappe ketgan taqdirda loyihani kim atrofida qurishini aniqlab oldi.













