"Arsenal" hujumchisi Folarin Balogunga "Inter" qiziqish bildirmoqda.

Milan klubi sport direktori Pyer Auzilio Londonda bo‘lib, u yerda o‘yinchilarning transferlari bo‘yicha bir qator uchrashuvlar o‘tkazadi. “Neradzurrilar”ning yangi futbolchilaridan biri 21 yoshli hujumchi bo‘lishi mumkin.

Taxminlarga ko‘ra, italiyaliklar Balogunning ijaraga o‘tishini ideal deb bilishadi, londonliklar esa to‘liq transferga tayyor va 40 million yevro so‘rashadi. Shartnoma tuzish oson bo‘lmaydi.

Folarin o‘tgan mavsumni "Reyms"da ijara asosida o‘tkazdi. U Liga 1ning 37 ta uchrashuvida 21 ta gol va 2 ta golli uzatmani amalga oshirgan.