Yarim himoyachi Jud Bellingem payshanba kuni "Real Madrid" futbolchisi sifatida tanishtirildi. 19 yoshli futbolchining so‘zlariga ko‘ra, qaror qabul qilar ekan, u pul haqida o‘ylamagan.
“Pul unchalik muhim emas, men bu haqda o‘ylamaganman. Keyingi jamoani tanlashda hech qachon pul haqida o‘ylamaganman. Menga "Real Madrid" taklif qilgan narsa yoqdi va hamma narsa tezda bajarilishini xohladim. Albatta, boshqa variantlar yomon emas edi. Lekin men “Real”ni tanladim” - dedi Bellingem matbuot anjumanida.
Eslatib o‘tamiz, "Real" Bellingem uchun "Borussiya"ga 103 million yevro to‘lagan edi. Dortmundlik futbolchilar ushbu summaning taxminan 30 foizini bonuslar qismi sifatida ishlab olishlari mumkin bo‘ladi.
