Rossiyalik yarim himoyachi Aleksey Miranchuk "Torino"da yana bir yil qolishi mumkin, deya xabar beradi Calciomercato.
Manbaga ko‘ra, Turin klubi prezidenti Urbano Kair rossiyalik futbolchini sotib olish haqida o‘ylamoqda, biroq ijara shartnomasini yana bir mavsumga uzaytirish imkoniyati, jumladan, majburiy sotib olish varianti ham ko‘rib chiqilmoqda.
27 yoshli yarim himoyachining “Atalanta” bilan shartnomasi 2024 yilning 30 iyuniga qadar mo‘ljallangan. Uning narxi 12 million yevroga baholanmoqda.
O‘tgan mavsumda "Torino"da o‘ynab, u barcha turnirlarda 31 ta o‘yinda qatnashib, 4 ta gol urdi va jamoadoshlariga 6 ta golli uzatma berdi.
